يئنه احوالي زارم من بو آخشام

                        دالغا تك بي قرارم من بو اخشام

گوزدن قان ياش توكوب آغلارام

                        اسير مهنت روزگارم من بو آخشام

صبحه دك داغ هيجرانه ياننام شمع تك

                         دام درد عشقه گرفتارم من بو آخشام

بر زيارت كوي تو اي دوست حسرتم

                        در شوق وصلت در انتظارم من بو آخشام

از كلاغ بد خبر آمد نداي دوستي

                        بين خائن دوستان و يار من بو آخشام

انتظاردايام كي ياريم گله بير جان آلام

                         كي بو جاندان دخي بيزارم من بو آخشام

بيلمه يين عشق ذووقون نه بيلير منيم احواليم

                         جايماز ، دردلرله سازگارم من بو آخشام

دون كونول دلبره شرح غم پنهان ائتدي

     جمع ايكن كونلومو بير پاره پريشان ائتدي

يئر توتام دئير ايدي دل ناله ايله كويوندا

     يئتمه دي بير يئره هر نئجه كي افغان ائتدي

وعده وئردي جيگريم قانين ايچه موژگانين

      انتظار ايله بو حسرت جيگريم قان ائتدي

غمزه تيغيله گؤزون كونلومو يوز پاره قيليب

      هر بيرين بير هدف ناوك موژگان ائتدي

قيلدي محرابا قاشين فكر فقيهي مايل

       گؤر نئجه كافري اول وعظ مسلمان ائتدي

گؤره ييم چوخ ياشاسين ديده كي مردم لوك ائديب

     غم هيجوموندا مني اشك ايله عمان ائتدي

اي اجل ، جان طلبين قيلما فضوليدن كيم

    بير كمان ابرويا چوخدان اونو قوربان ائتدي

قيلدي زولفون تك پريشان حاليمي خالين سنين،

              بير گون، ائي بيدرد، سورمازسان: نه دير حالين سنين؟

گئتدي باشيندان، كؤنول، اول سروقددين سايه‌سي،

                 آغلا كيم، ايدباره تبديل اولدو ايقبالين سنين.

زينت اوچون جيسم ديواريندا ائتمزديم يئرين،

                چكمسيدي عشق جان لؤوهينده تيمسالين سنين.

تيز چكمزسن جفا تيغين مني اؤلدورمه‌يه،

                اؤلدورر آخير مني بير گون بو ائهمالين سنين.

قرقي-خونابي-جيگر قيلميش گؤزوم مردوملرين،

                آريزويي-خالي-ميشكينو روخي-آلين سنين.

داميگاهي-عشقدن توت بير كنار، ائي مورغي-ديل،

               سينمادان سنگي-ملامتدن پرو بالين سنين.

سايوش چوخدان، فضولي خاكي-پايين ياسلانير،

               بودور اومميد ايله كي، بير گون اولا پامالين سنين

ياندي جانيم هيجر ايله وصل رخ يار ايسته رم

                     دردمند فيرقتم درمان ديدار ايسته رم

بولبول زارام دگيل بيهوده افغان ائتديگيم

                  قالميشام نالان قفس قئيدينده گلزار ايسته رم

دهر بازاريندا كاسيددير متاع همتيم

                بو متاعي ساتماغا بير ئوزگه بازار ايسته رم

فاني اولماق ايسته رم ، يعني بلاي دهريدن

               راحت جيسم ضعيف و جان افگار ايسته رم

نولا گر قيلسام شب هيجران تمناي اجل

               نئييله ييم ؟ چوخدور غميم دفعينه غمخوار ايسته رم

چون بقا بزمينده دير دلدار من هم دورمازام

                     بو فنا عالم ده بزم وصل دلدار ايسته رم

اي فضولي ، ايسته مز كيمسه رضاسيله فنا

                 من كي بوندان ئوزگه بيلمم چاره ناچار ايسته رم

اي دائِماً در «يان»ِ ما ؛ همكار بي وجدانِ ما !
   قاچ گئت بيزه ساري نَيا ؛ چون ييرتيليب تنبانِ ما !!

اي چشمهايت چون پيشي ؛ سينديرميسان بيزدن ديشي !
    آخر نه دن ائششك كيشي ؛ سن تشنه سن بر قانِ ما ؟!

گفتي : «برس بر دادِ ما ؛ عرشه چاتيب فريادِ ما
  هي قيشقيرير آروادِ ما ؛ زيرا سينيب قالخانِ ما»!!

»قاش»ِ خودش برداشته ؛ خودرا «قادين» پنداشته !
  چؤ دوشدو : «پستان كاشته ؛آرواد اولوب ؛ اوغلانِ ما!! «

زاهد سني گؤردوم دونَن ؛ من در قوجاقِ ؛ «نسترن»!
  بو ايشلري گَل گؤرمه سَن ؛ بادَه گئدر ايمانِ ما !

آيران ايچينده وار مگس ، اين را مگو با هيچ كس
  افتاده سوسكي چون عدس ، ياخشي پيشيب در نانِ ما !

بيزلر يالانچي ، اَيري اَل ، مؤمن وَ ليكن مبتذل !
  مارا رها كن اي گؤزل ، اولماز داها درمانِ ما !

اي كله ات همچون اينَك ! پيش بيني ائتمه گل گئدك !
  گرديم سبزه يا تَزَه ك ! معلوم دئييل پايانِ ما !

رفته يوخاري نرخ ها ، اؤلدوردي ياري نرخ ها
  يانديردي آري نرخ ها ، بير منطقه از رانِ ما !

گلدي اِس اِم اِس لَر مَنَه ، بؤش خرمن اوستونده يئنه
  گيره دوشوب «خاور ننه » در كابين نيسانِ ما !

دوردي يوخودان «مش صفر» ، مي گفت گريان و دَمَر:
  «اي دزد وجدان سيز نَبَر ، ياسديقيلان يؤرغانِ ما !!«

كورَه كَنلر من اؤلَن گؤنده گؤتوزده توي اولار !
          آغلايين اوزده ولي دالدا «نيناش ناش»كنيد !

 قبريم اوستونده گليب ؛ آغلامايين صيغه لريم

        قورخورام ياس گئجه سي راز مرا فاش كنيد !

دئدي بير جوجه مهندس: «ايشيميز يوخ» آقالار !
        لطف ائديب كارخانالاردا ؛ بيزي فراش كنيد !!

اولماسا پول تانيمازلار سيزي ؛ هئچ كس سايما ز !
       حذر از باجي و باج اوغلو و قارداش كنيد !

ثابت اؤلدو كي بيزيم دوره ؛ فضول دوره سي دير !
       سيز نخود تك ؛ اؤزوزي داخلِ هر آش كنيد ! !

توركجه طنزلر - عليرضا رضايي

عشقدن جانيمدا بير پنهان مرض وار ، اي حكيم

              خلقه پنهان درديم اظهار ائتمه ، زنهار ، اي حكيم

وار بير درديم كي چوخ درماندان آرتيقدير منه

              قوي مني درديمه درمان ائيله مه ، وار ، اي حكيم

گر باسيب ال نبضيمه ، تشخيص قيلسان درديمي

              آل امانت ، قيلما هر بي درده اظهار ، اي حكيم

گل منيم تدبير بيهوده مده سن بير سعي قيل

              كيم اولام بو درده آرتيقراق گرفتار ، اي حكيم

گؤر تن عريان ايله احواليمي هيجران گونو 

             وار ايميش روز قيامت ، قيلما انكار ، اي حكيم

چكمه يينجه چاره ي درديمده زحمت بيلمه دين

            كيم اولور درمان درد عشق دشوار ، اي حكيم

رنج چكمه صحت ايچون ، ال فضوليدن گؤتور

           كيم قبول صحت ائتمز بؤيله بيمار اي حكيم

قره داغدا قيامت قوپاجاخ بو گون 

                       خسته ي رنجور و بيمار و پريشان ، نئيله ييم

اولموشام درده گرفتار و غمينده آغلارام

                        چونكي ائتمز بو فلك درديمه درمان ، نئيله ييم

گرچي دؤران دولانير هر لحظه چوخلار رايينه

                   دؤنمه دي هرگز منيم راييمجه دؤران ،  نئيله ييم

تا كي وصليندن جدا دوشدوم ، دمي خوش اولماديم

                    ائتدي هيجرين مني هر لحظه گريان ،  نئيله ييم

بيلميشم صبح وصالين قدريني شام فراق

                   ليك يانديردي مني درد ايله هيجران ،  نئيله ييم

گرچي پنهان ائيله دين مئهرين فضولي كؤنلومه

                كؤنلومون شهري غميندن اولسا ويران ،  نئيله ييم