كوه دردي با تن چون برگ كاهي ميبرم
از سر كويت سفر نوعي است از ديوانگي
اين قدر من هم به كوي عقل راهي ميبرم
از ملامت چون رهم كز ناله هرجا مي روم
بر گرفتاري خود با خود گواهي ميبرم
كي توانم بر زبان آورد نام دوريت
من كه صد فيض از رخت در هر نگاهي ميبرم؟
گر برد ذوق وصالت از دل من دور نيست
اينكه رشكي از رقيبان تو گاهي ميبرم
دل ز بويت، ديده از رويت سروري داشتند
مي روم حالا پر از اشكي و آهي ميبرم
گر كنم ميخانه را منزل، فضولي! دور نيست
چون كنم از بيم غم آنجا پناهي ميبرم
بني ذكر ائتمز ائل ، افسانه ي مجنونا ماييلدير
نه بنزر اول بنا ، دردي آنين تقريره قاييلدير
بيابانگرد مجنوندان غم و درديم سوال ائتمن
نه بيلسين بحر حالين اول كي منزلگاهي ساحيلدير؟
بنيم تك اولا بيلمز شهره ي شهر بلا مجنون
قبول ائلرمي بو روسواليغي هر كيم كي عاقيلدير ؟
نه مشكيل حالي اولسا عاشيقين ، معشوق ائدر چاره
گر اول بيدرد بيلمزسه بو حالي ، حال مشكيلدير
فراق ايامي سئيلاب سرشكيمدن خبر توتماز
قيامت ماجراسيندان گور اول ظاليم نه غافيلدير
فقيه مدرسه معذوردور انكار عشق ائتسه
يوخ ئوزگه علمينه انكاريميز ، بو علمه جاهيلدير
فضولي ! ائل سني مجنوندان افزون دئر ملامتده
بونا منكر دگيل مجنون ، دخي معقوله قائيلدير
بنيم تك هيچ كيم زار و پريشان اولماسين ، يارب
اسير درد عشق و داغ هيجران اولماسين ، يارب
دمادم جؤورلردير چكديگيم بي رحم بوتلاردان
بو كافرلر اسيري ، بير مسلمان اولماسين ، يارب
گؤروب انديشه ي قتليمده اول ماهي بودور درديم
كي بو انديشه دن اول مه ، پريشان اولماسين ، يارب
چيخارماق ائتسه لر تندن چكيب پئكانين اول سروين
چيخان اولسون دل مجروح ، پئكان اولماسين ، يارب
جفا و چؤور ايله معتادام ، آنلارسيز ...
جفاسينا حد و جؤورونه پايان اولماسين ، يارب
دئمن كيم عدلي يوخ يا ظلمو چوخ ، هر حال ايله اولسا
كؤنول تختينه اوندان غئيري سلطان اولماسين ، يارب
فضولي بولدو گنج عافيت عافيت مئيخانه كنجوندن
مبارك ملكدور ، اول ملك ويران اولماسين ، يارب
ديري اولدوقجا لباسيم بودور ، اولسم كفنيم
جاني جانان ديله ميش وئرمه مك اولماز اي دل
نه نزاع ايله يه ليم ،اُول نه سنين دير ، نه منيم
داش د لـَر آهيم اوخو شهدِ لبين شوقون دن
نولا زنبور ائوينه بنزه سه بيت الحزنيم
طوق زنجير جنون ، دايره دولت دير
نه روا كيم مني اوندان چيخارا ضعف تنيم؟
عشق سرگشته سي يم سيل سرشك ايچره يئريم
بير حبابم كي هوادن دولودور پيرهنيم
بولبول غمزه ديم باغ بهاريم سن – سن
دهن و قد و رُخون ، غنچه و سر و سمنيم
سر كويون يارين ((فضولي)) ائده من ترك
وطنيم دير، وطنيم دير،وطنيم دير،وطنيم
يئنه اول ماه منيم آلدي قراريم بو گئجه
چيخاجاقدير فلكه ناله و زاريم بو گئجه
شمع وش محرم بزم ائيله دي اول ماه مني
ياناجاقدير يئنه هيجر اودونا واريم بو گئجه
هم وصالي وورار اود جانيما هم هيجراني
بير عجب شمع ايله دوشدو سر كاريم بو گئجه
نه توتوندور كي چيخار چرخه دل زاره مگر
هيجر داغيني وورار لاله عذاريم بو گئجه
صبحه سالدي بو گئجه شمع كيمي قتليمي هيجر
اولا كي صبح گلينجه گله ياريم بو گئجه
پاره پاره جيگريم ايتلرينه نذر اولسون
اول سر كويا اگر دوشسه گذاريم بو گئجه
وار ايدي صبح وصالينا فضولي اوميد
چيخماسا حسرت ايله جان فگاريم بو گئجه
دگيلسن چوخدان اي گردون جهان سئرينده يولداشيم
نولا خم اولسا قدديم ، سندن آرتيقدير منيم ياشيم ؟
ترازوي عيار محنتم بازار عشق ايچره
گؤزوم هر دم دولوب ، مين داشا هر ساعت ده ير باشيم
سرشكيم آل ، باغريم پاره ، بير كوه بلايام كيم
هميشه لاله و لعل ايله رنگيندير ايچيم داشيم
منه مانند بير ديوانه صورت باغلاماز ، گويا
قلم سينديردي تصويريم چكندن سونرا نقاشيم
فضولي ! خازن گنج وفايام اول سببدن دير
گهرلر تؤكدو اسراف ايله بو چشم گهر پاشيم
دون كونول دلبره شرح غم پنهان ائتدي
جمع ايكن كونلومو بير پاره پريشان ائتدي
يئر توتام دئير ايدي دل ناله ايله كويوندا
يئتمه دي بير يئره هر نئجه كي افغان ائتدي
وعده وئردي جيگريم قانين ايچه موژگانين
انتظار ايله بو حسرت جيگريم قان ائتدي
غمزه تيغيله گؤزون كونلومو يوز پاره قيليب
هر بيرين بير هدف ناوك موژگان ائتدي
قيلدي محرابا قاشين فكر فقيهي مايل
گؤر نئجه كافري اول وعظ مسلمان ائتدي
گؤره ييم چوخ ياشاسين ديده كي مردم لوك ائديب
غم هيجوموندا مني اشك ايله عمان ائتدي
اي اجل ، جان طلبين قيلما فضوليدن كيم
بير كمان ابرويا چوخدان اونو قوربان ائتدي
قيلدي زولفون تك پريشان حاليمي خالين سنين،
بير گون، ائي بيدرد، سورمازسان: نه دير حالين سنين؟
گئتدي باشيندان، كؤنول، اول سروقددين سايه‌سي،
آغلا كيم، ايدباره تبديل اولدو ايقبالين سنين.
زينت اوچون جيسم ديواريندا ائتمزديم يئرين،
چكمسيدي عشق جان لؤوهينده تيمسالين سنين.
تيز چكمزسن جفا تيغين مني اؤلدورمه‌يه،
اؤلدورر آخير مني بير گون بو ائهمالين سنين.
قرقي-خونابي-جيگر قيلميش گؤزوم مردوملرين،
آريزويي-خالي-ميشكينو روخي-آلين سنين.
داميگاهي-عشقدن توت بير كنار، ائي مورغي-ديل،
سينمادان سنگي-ملامتدن پرو بالين سنين.
سايوش چوخدان، فضولي خاكي-پايين ياسلانير،
بودور اومميد ايله كي، بير گون اولا پامالين سنين