عشقدن جانيمدا بير پنهان مرض وار ، اي حكيم
خلقه پنهان درديم اظهار ائتمه ، زنهار ، اي حكيم
وار بير درديم كي چوخ درماندان آرتيقدير منه
قوي مني درديمه درمان ائيله مه ، وار ، اي حكيم
گر باسيب ال نبضيمه ، تشخيص قيلسان درديمي
آل امانت ، قيلما هر بي درده اظهار ، اي حكيم
گل منيم تدبير بيهوده مده سن بير سعي قيل
كيم اولام بو درده آرتيقراق گرفتار ، اي حكيم
گؤر تن عريان ايله احواليمي هيجران گونو
وار ايميش روز قيامت ، قيلما انكار ، اي حكيم
چكمه يينجه چاره ي درديمده زحمت بيلمه دين
كيم اولور درمان درد عشق دشوار ، اي حكيم
رنج چكمه صحت ايچون ، ال فضوليدن گؤتور
كيم قبول صحت ائتمز بؤيله بيمار اي حكيم