دادماميشديم عومروم وار ايكن بويله شراب
ياري اغيار قوينوندا گوردوم هوش توتان چاغدا
گورسن يارب ندي تعبير بو خواب ؟
هم گوزوم هم جيگريم هم اورگيم قانلا دولوب
يارب گورسن دوزخ ده ـ ده وار بويله عذاب ؟
مهنت و درد و غميندان ساراليب رنگ و روخوم
عومرودور من چكيريم درديمي در پيچ ايله تاب
بيلميرم ، اوقدر ساقي آياغ لطف ائتدي منه
گوزومون قارشيندا دوران يار دي يا هرگون كو سراب
يا گوندر اجل جانيم آلا يا گل اوزون آل
چون بو خير ايشده گوزليم وار بوللو ثواب
يئنه عشقين منه تاثير ائله ييب قلبيمي دئشدي
خون جيگردن اله رم گوزده قورتولسادا آب
جايماز ، دييه رم درديمي هر شب عكس نگاره
اوندادا يوخدور وفا وئرمه دي آهيمه جواب
بنيم تك هيچ كيم زار و پريشان اولماسين ، يارب
اسير درد عشق و داغ هيجران اولماسين ، يارب
دمادم جؤورلردير چكديگيم بي رحم بوتلاردان
بو كافرلر اسيري ، بير مسلمان اولماسين ، يارب
گؤروب انديشه ي قتليمده اول ماهي بودور درديم
كي بو انديشه دن اول مه ، پريشان اولماسين ، يارب
چيخارماق ائتسه لر تندن چكيب پئكانين اول سروين
چيخان اولسون دل مجروح ، پئكان اولماسين ، يارب
جفا و چؤور ايله معتادام ، آنلارسيز ...
جفاسينا حد و جؤورونه پايان اولماسين ، يارب
دئمن كيم عدلي يوخ يا ظلمو چوخ ، هر حال ايله اولسا
كؤنول تختينه اوندان غئيري سلطان اولماسين ، يارب
فضولي بولدو گنج عافيت عافيت مئيخانه كنجوندن
مبارك ملكدور ، اول ملك ويران اولماسين ، يارب
ديري اولدوقجا لباسيم بودور ، اولسم كفنيم
جاني جانان ديله ميش وئرمه مك اولماز اي دل
نه نزاع ايله يه ليم ،اُول نه سنين دير ، نه منيم
داش د لـَر آهيم اوخو شهدِ لبين شوقون دن
نولا زنبور ائوينه بنزه سه بيت الحزنيم
طوق زنجير جنون ، دايره دولت دير
نه روا كيم مني اوندان چيخارا ضعف تنيم؟
عشق سرگشته سي يم سيل سرشك ايچره يئريم
بير حبابم كي هوادن دولودور پيرهنيم
بولبول غمزه ديم باغ بهاريم سن – سن
دهن و قد و رُخون ، غنچه و سر و سمنيم
سر كويون يارين ((فضولي)) ائده من ترك
وطنيم دير، وطنيم دير،وطنيم دير،وطنيم
نه بيله يديك دونيا بئله دؤنه جك.
نه بيله يديك سئوگي آدلي بو قوناق
...
ايكيميزين آراميزدا اؤله جك...
اولو سئوگي گؤيدن يئره ائندي مي،
نه داياندي يولوموزون اوستونده؟
بو محبّت سويودوقجا سن دئمه،
جان وئريرميش قولوموزون اوستونده..
هر گؤروشه سورونوردو آياقلار..
او چمنلر-بير باهارليق چمني.
دوداقلاري يانديراندا دوداقلار
اوره ييميز اوشويورموش،دئمه لي.
ايلنجه لر قويمادي كي،گؤز آچاق؛
هر ايسته يي بيز بئله جه بيتيرديق.
پاييز گلدي توي بايراملا،بيز آنجاق
يارپاق-يارپاق گونوموزو ايتيرديك.
شيرين اولدو يالانلارين زهري،
حقيقتيگيزله ميشيك هميشه
سئوگيليلر اوياق آچدي سحري،
بيز آخشامي گؤزله ميشيك هميشه..
يوخو گؤردوك..گاه قورخولو،گاه دا شن،
بوغدو بيزي ترددودلر آخاري.
يوخولاردا اللر گؤردوك بيرله شن،
ها يوزدوقسا هجران اولدو آخيري..
نه بيله يديك بو سئوگينين سونو يوخ،
نه بيله يديك دونيا بئله دؤنه جك.
نه بيله يديك سئوگي آدلي بو قوناق
اوزوموزه باخا-باخا اؤله جك...
‹نصرت كسمنلي›
سانما كي چئشمدن أوزومه اشك تر گلير
بو چئشمه خشك اولوب ، داخي خون جيگر گلير
اي مؤج اشك آخما ، داخي توتما يوللارين
بير رهگذر وئر ، او بوت سيمبر گلير
گه ياد زولفون ائيله ييرم ، گاه كاكيلين
بير فيكر ائله ميشم ، دله فيكر دگر گلير
كسمه اميد وصلدن ايام هيجرده
اي دل ! بو شام كيم گئده ر ، آخر سحر گلير
گر موژده ي وصالي گله ، يوخدو فائده
جانيم چيخار فرحدن ، اگر بير خبر گلير
دونيايا گلمه يير نه سبب بير وفالي يار
باعيث نه دير كي بيري بيريندن بتر گلير
سيد ، گئدر دئديم سر كويوندان ، اي پري
گولدو كي كؤنلو منده دير آنين ، گئدهر ، گليرنه مجنونام كي وحشت ائيله يم ليلا جفاسيندان
دوشم صحرايا سرگردان غم عشقين بلاسيندان
نه فرهادام كي داغلاردا وورام اوز باشيما تيشه
قوتارماقچين بو شيرين جانيمي هيجران بلاسيندان
وطنده جورو جانان خوشدور ، غربت ايچره راحتدن
خداوندا قورتارما مني جانان جفاسيندان
كولاهيندان چيخارتديم كاكيلين يالوارا يالوارا
ايلاني آري شيرين ديل چيخاردار اوز يوواسيندان
سگ كوي حبيبيمله قديمي آشنادير دل
خداوندا آييرما اشناني آشناشيندان
گلير يانيما غير ايله نگاريم حال سورماقچين
منه بالله خوشدور يوز جفاسي بو وفاسيندان
دريغا گئتدي خاكا عرض حالي سينه ده سيد
بيانا چكمه دي اول شاها اوز شرم و حياسيندان
دونن گئجه منه هم بزم بير ماه سمنبر ايدي
مه جمالي ايله گوزلريم منور ايدي
باشيمدا شعشه ي مئي خاطيريمده ذوق وصفا
بير الده طورره ي دلبر ، بير الده ساغر ايدي
گئجه م او حور جماليله روز تك روشن
يئريم بهشت برين ، باده م آب كوثر ايدي
نه خواهش ائله سم اول بزم آرا اولوب حاصيل
نه آرزو ائله سم ياردان ، ميسر ايدي
او گونه چوخ گئجه لر گورموشم بهشت آسا
ولئيك اول گئجه هم ، بير بهشت ديگر ايدي
خدا كئچن گئجه ني عومرومه حساب ائله سين
كي هر دقيقه سي يوز مين گونه برابر ايدي
او قدر آختارارسان ، اي شه ديار وفا
كي حيف اولدو بو سيد ، رقيبه چاكر ايدي
سانما غم دفعيني دلدن مئي گولگون ائيلر
اولسا هر كيمسه ده غم ، مئي دخي افزون ائيلر
ائتميشم تجروبه كيم ، عشق ايله بيمار اولانين
نه علاجين خم ساغر ، نه فلاطون ائيلر
اجتناب ائيله مه مئيدن ، بو او جوهردير كيم
اشعثي حاتم ائدر ، مفلسي قارون ائيلر
اول كي بير شيشه شرابي آلا دونياني وئريب
اعتقاديم بودور اول كس يئنه مغبون ائيلر
سيدا صوحبت زوهادا هوس ائله مه كيم
طبعي افسوندا قيلار ، خاطيري محزون ائيلر
عشقدندير بو قدر عالم دون ايچره فساد
عشقدير مرشد كامل اونا آفاق مدير
عشقه شاگرد جهان اهلي او كاميل اوستاد
عشقدير عالم آرا دارا چكن منصورو
عشقدير قئيسي قيلان ليلي اليندن ناشاد
داغدا صورت شيريني نقش ائيله ايكن
باشينا ووردو كولونگون نئيه آخر فرهاد ؟
سيدا عشق سوزون سويله مه نافهملره
چكمه زحمت نه بيلير روتبه ي انساني جماد ؟
يوز باغ و گلستان اولا كونلوم سني ايستر
يوز زهره تكين ماه ليقا مهر دل آرا
يوز مين مه تابان اولا كونلوم سني ايستر
بو ظلمت زولفونده لبين آب بقادير
يوز چشمه ي حيوان اولا كونلوم سني ايستر
اي خوبلارين شاهي كونولدور سنه طاليب
عالم هامي خوبان اولا كونلوم سني ايستر
اي دوست بيزه حوري و قيلمان نه گرك دير
يوز حوري و قيلمان اولا كونلوم سني ايستر
سيد ! دئگيلن بند اولام هر بير گوله آلا
يوز غنچه ي خندان اولا كونلوم سني ايستر