دادماميشديم عومروم وار ايكن بويله شراب

ياري اغيار قوينوندا گوردوم هوش توتان چاغدا

گورسن يارب ندي تعبير بو خواب ؟

هم گوزوم هم جيگريم هم اورگيم قانلا دولوب

يارب گورسن دوزخ ده ـ  ده وار بويله عذاب ؟

مهنت و درد و غميندان ساراليب رنگ و روخوم

عومرودور من چكيريم درديمي در پيچ ايله تاب

بيلميرم ، اوقدر ساقي آياغ لطف ائتدي منه

گوزومون قارشيندا دوران يار دي يا هرگون كو سراب

يا گوندر اجل جانيم آلا يا گل اوزون آل

چون بو خير ايشده گوزليم وار بوللو ثواب

يئنه عشقين منه تاثير ائله ييب قلبيمي دئشدي

خون جيگردن اله رم گوزده قورتولسادا آب

جايماز ، دييه رم درديمي هر شب عكس نگاره

اوندادا يوخدور وفا وئرمه دي آهيمه جواب

نازنين نازنينان بر ما ناز دارد تا فراز

          در غم هجرانش اشكم شود رود آراز

بر ما ناز و بر رقيبان لطف دارد يار

            شب هجرانش شب يلداست و دراز

وصل جانان را آرزو دارم از فلك اي نازنين

           گر رسم بر آرزو دگر نباشم در نياز

تو را چه سود از همنشيني با دگران

           نيك گفته اند كبوتر با كبوتر باز با باز

چون نشد درد من درمان از سوي دوست

           كردم تمناي وصل اجل به وقت نماز

مينوازديم درد دل را در ساز شور

           كنون كوك كردم ساز دل را بر حجاز

فغان دل كه تا آسمان هفتم برفت

             جايماز، نشنود كس كه باشد چاره ساز

غربتده قالديم اي عزيزيم سن منه يار اولمادين

                سينه لر چاك ائيله ين درديمه غمخار اولمادين

چوخ چاليشديم درديمي اغياريدن پنهان قيلام

                چون سن منيم چون نازلي دلدار اولمادين

ناله و افغانيمي گويلرده توتماز اي گولوم

                 بير سن دخي نالم له بيدار اولمادين

افتخار اولماز سنه جور و جفالر پيشه سي

                جوردن يار اوسانيب بير دم ده بيزار اولمادين

حاليني بيگانه لردن سورماخ منه عاردير ولي

               اي عزيزيم سنده من تك عشقه بيمار اولمادين

گوناه دير كي منيم چون درمانين اولمور اي طبيب

               قيلديغين تجويزلرله سنده بير كار اولمادين

جايماز ، چوخ آغلاما گئت آل اجل دن سن پاي ين

               چون بو زار احوالي له فكر شب تار اولمادين

يئنه احوالي زارم من بو آخشام

                        دالغا تك بي قرارم من بو اخشام

گوزدن قان ياش توكوب آغلارام

                        اسير مهنت روزگارم من بو آخشام

صبحه دك داغ هيجرانه ياننام شمع تك

                         دام درد عشقه گرفتارم من بو آخشام

بر زيارت كوي تو اي دوست حسرتم

                        در شوق وصلت در انتظارم من بو آخشام

از كلاغ بد خبر آمد نداي دوستي

                        بين خائن دوستان و يار من بو آخشام

انتظاردايام كي ياريم گله بير جان آلام

                         كي بو جاندان دخي بيزارم من بو آخشام

بيلمه يين عشق ذووقون نه بيلير منيم احواليم

                         جايماز ، دردلرله سازگارم من بو آخشام

قره داغدا قيامت قوپاجاخ بو گون 

اوز جانانيندان آيريلان جان داها جان اولماسين

                 كونلوم نازلي نيگاريندان داها يان اولماسين

اول گئجه كيم صبحه قدر يارلا كئچه

                الله دان ايسترم گون چيخيب دان اولماسين

رقيبلر بير به بير قصد جان ائلر منه

                يار ايسته مز سر كويوندا قان اولماسين

كونلوم عشق آتشيندن قاچماغا يوللار گزير

               كاش بول درده هئچ يئرده درمان اولماسين

كام آلماز عشق ذوقيله يانانلار دهريده

              عشقيلن چيرپينان دل گرك قان اولماسين

زاهيد چوخ سويله ر وصف جنتلر بيزه

              ظند ائلرم سنه بنزر بير قيلمان اولماسين

تاب ائتمز بول قدر جؤوره بو جايماز

             قورخورام اؤله م ياريم دا پشيمان اولماسين

 بير ده  سني گورمك ايستميرم گوزل

             عاشق اولوب  سني سئومك ايستميرم گوزل

من تك سئونين اصلا اولماياجاقدير

              سنده منيم قديريمي بيلمك ايستميرم گوزل

آتدين گوزوندن منه بي چاره ني سن

              من سني اما قلبيمدن سيلمك ايستميرم گوزل

بير گوزل گول عشقينه مبتلا اولموشام

             گولوستاندا باشقا بير گول درمك ايستميرم گوزل

بير بيريندن آيري قاليب قوجاغلاشان قوللاريميز

             سويوق الينله يانار اليمي بيرلمك ايستميرم گوزل

اوره گين هميشه آيريليغا بهانه گزير

             بو سونكو بهانه ني دينلمك ايستميرم گوزل

جايماز يارينين اوزو هميشه گولور

            منده اوزومو غم دن سيلكمك ايستميرم گوزل

آذربايجان سنين باشين ساغ اولسوناي وطن قره داغيم باتيبدي

كهليگيم اوچدو اليمدن داش باشيما توشسون
سئوگيليم چيخدي اليمدن داش باشيما توشسون

نيه اوچوتدوم من سني نيه
سئوگيم نيه گلمه دي گوزه
يالواريرام گوز ياشيم اخير اوزه

يارب نيه عشق اهلينه زيندان دي گئجه

                     مجنونلار اوچون سير نهان دي گئجه

عاشق معشوقون اونوتا بيلمز اينان

                     گوندوزلر اونوتسادا ياده سالان دي گئجه

يوخو گلمير گئجه لر عاشيقين گوزونه

                    چون كي سئوگي سيندن نگران دي گئجه

چيلله گئجه سينه دونوب هر گئجه ميز

                   نيه بئله بيزه عجيب اوزان دي گئجه

منده كي عشقين سوؤيوب سونمه يجك

                  هر گون آرتيب اوستونه قالان دي گئجه

يورگون گوزوم هيچ يومولا بيلمير

                    سنسيز هي ياتيب هي اويان دي گئجه

سنسيز دونيا منه ائله قارانليخ كي

                  ذند ائلرم آي لا گونش يالان دي گئجه

گوندوزلر يوللارينا باخيب سني گزيرم

           تاپانماييب حسرتيندن گوزلريم سولان دي گئجه

ايندي فرهادي من اولموشام عصريميزين

               بيستون يئرينه منيم اوره گيم چاپپالان دي گئجه

جايماز بو دونيادان هيچ بير كام آلماديم

                 عالمده بير جه منه قالان دي گئجه