فلك لر ياندي آهيم دان ، مراديم شمعي يانماز مي ؟
هامي بيمارينا جانان ، دواي درد ائده ر احسان
نئچون قيلماز منه درمان ، مني بيمار سانمازمي ؟
اويادير خلقي افغانيم ، قرا بختيم اويانمازمي ؟
گل رخسارينه قارشي ، گؤزومدن قانلي آخار سو
حبيبيم فصل گول دور بو آخارسولار بولانمازمي ؟
غميم پئنهان توتارديم من ، دئديلر ياره قيل روشن
دئسم او بي وفا بيلمم اينانارمي ، اينانمازمي ؟
دئييلديم من سنه مايل ، سن ائتدين عقليمي زايل
منه طعن ائيله ين غافيل ، سني گؤرجه ك اوتانمازمي؟
فضولي رند و شيدادير ، هميشه خلقه رسوادي
سوروشون كي نه سوودادير ، بو سوودادان اوسانمازمي ؟
يار حال دليمي زار بيليبدير بيليرم
دل زاريمدا نه كي وار بيليبدير بيليرم
ياري اغيار بيليبدير كي منه يار اولماز
من دخي آني كي اغيار بيليبدير بيليرم
زولفونو اهل وفا صئيدينه دام ائله يه لي
مني اول داما گرفتار بيليبدير بيليرم
من نه حاجت كي قيلام درد دليم يارا عيان
هامي درد دليمي يار بيليبدير بيليرم
يار هم صحبتيم اولمازسا فضولي ! نه عجب
ئوزونه صحبتيمي عار بيليبدير بيليرم
اوز جانانيندان آيريلان جان داها جان اولماسين
كونلوم نازلي نيگاريندان داها يان اولماسين
اول گئجه كيم صبحه قدر يارلا كئچه
الله دان ايسترم گون چيخيب دان اولماسين
رقيبلر بير به بير قصد جان ائلر منه
يار ايسته مز سر كويوندا قان اولماسين
كونلوم عشق آتشيندن قاچماغا يوللار گزير
كاش بول درده هئچ يئرده درمان اولماسين
كام آلماز عشق ذوقيله يانانلار دهريده
عشقيلن چيرپينان دل گرك قان اولماسين
زاهيد چوخ سويله ر وصف جنتلر بيزه
ظند ائلرم سنه بنزر بير قيلمان اولماسين
تاب ائتمز بول قدر جؤوره بو جايماز
قورخورام اؤله م ياريم دا پشيمان اولماسين
مين لرجه گوزل اولسادا هر ميللت ايچينده
اولماز سنه بنزر گوزليم خلقت ايچينده
هيجرينده نه لر چكتيگيمي وصلينه يئتسم
بير بير سنه عرض ائيله يرم صحبت ايچينده
اول زولف پريشانه او گوندن كي اسيرم
مجنون دئييلير آديما جمعيت ايچينده
كويوندا صفا چكمه گه يول وئرمه رقيبه
يوخدور يئري خاين آدامين جنت ايچينده
بيگانه سوزون آچما منه غصه دن اوللم
بيماره ايچيتمه زهري شربت ايچينده
مين جاذبه واردير گوزليم مست گوزونده
انسان سنه باخديقجا قالير حئيرت ايچينده
واحد مني هر دم كي گوروب دينديرير اول شوخ
كونلوم آچيلير روحوم اوچور لذت ايچينده
بير گؤيه رچين كيمي دنسيزله ميشم
بولبولم ، يازدا چمنسيز له ميشم
اسكي دن شانلي – شرفلي ائليديم
ظاليمه قارشي آمانسيز سئليديم
زيروه سي چنلي – دومانلي بئليديم
ايندي مدتدي كي چنسيزله ميشم
درديمين يوخ آدي عنواني دئسم
حيرته دالديرار اينساني دئسم
باشقا بير سوزله بو معناني دئسم
اؤز دياريمدا وطنسيزله ميشم
درد مني يانديرير آمما آدي يوخ
اؤدور آغزيمدا حياتين دادي يوخ
دئميرم دردلر ايچينده آدي يوخ
دئييرم من بئله منسيزله ميشم
اي منيم منليگيم ايمداديما يئت
بيرجه گل منله قؤووش داديما يئت
مني باس باغرينا فرياديما يئت
بيلميسن كي نئجه سنسيزله ميشم
يوخ دئين درديمي جانانيما گؤزدن دوشدوم
سالدي هيجران اودونو جانيما گؤزدن دوشدوم
من بو گول اوزلو لرين بولبول شيداسي ايديم
بيري رحم ائتمه دي افغانيما گؤزدن دوشدوم
چوخ قارا گوزلولر زولفونه حسرت چكديم
يانمادي حال پريشانيما گؤزدن دوشدوم
آغلاديم هيجرينه بيگانه ني گولدوردو منه
باخمادي ديده گريانيما گؤزدن دوشدوم
نئله ميشديم گوناهيم بيلمه ديم آخر نه ايدي
حسرت اولدوم گل خندانيما گؤزدن دوشدوم
هر طبيبه غم پنهانيمي اظهار ائتديم
چاره يوخموش غم پنهانيما گؤزدن دوشدوم
يار ديندير مه دي واحد مني يالقيز قالديم
نه گلن وار نه گئدن يانيما گؤزدن دوشدوم
Kusulu qala bilmirem…
Qayidib gelmisem yanina yene
Ne olar bu defe qelbime deyme.
Deysen gulursen acizliyime,
Neyleyim kusulu qala bilmirem.
Sevenler hemise yesir dusubdur
Axi aramizda ne sirr dusubdur
Iradem sevgime esir dusubdur
Neyleyim kusulu qala bilmirem.
Zaman gozlemeyir omur gun axir,
Soyuqlugun meni yandirib yaxir.
Gozum gozlerien yalvarib baxir,
Neyleyim kusulu qala bilmirem.
Ucub buludlara qona bilerem
Bu derdin elinden sola bilerem.
Omurluk ac-susuz qala bilerem
Neyleyim kusulu qala bilmirem
آرديني اوخو
İndi sevə-sevə ayrılaq gərək
Biz xoşbəxt olmadıq sevənlər kimi
İndi son bahar tək sızlar könlümüz
Bəlkə bu dünya gəlmişik canım
Artıraq dünyanın həsrətini biz
Tənə də, giley də daha əbəsdir
Bu sirli röyadan ayrılaq gərək
Ya sən gecikmisən, ya mən tələsdim
İndi sevə-sevə ayrılaq gərək
Könlüm gizli-gizli yanacaq indi
Bir damla göz yaşın dənizdi mənə
Bizə xatirələr qalacaq indi
Sənin xatirən də əzizdir mənə
Bilirəm bu həsrət üzəcək səni
Calış kölgə kimi sürünməyəsən
Gözlərim hər zaman gəzəcək səni
Calış gözlərimə görunməyəsən
Bir hissin altında döyünür ürək
Səni düşünürəm səndən xəbərsiz
Kaş biləydim ki, sən də mənim tək
Məni düşünürsən məndən xəbərsiz.
تكجه تاريمدير قارا گونله رده غمخاريم منيم
چوخ وفالي دوسلاريم واردير اما يامان گون گلجه ين
تاردان اوزگه قالمايير يار وفاداريم منيم
يئر توتوب غمخانه ده قيلديم فراموش عالمي
من تارين غمخاري اولدوم تاردا غمخاريم منيم
گوزله ريمه هر تبسم سانجيلير نئشتر كيمي
كيپريگي خنجردي آه اول بي وفا ياريم منيم
آسمان آلدي كناريمدان آي اوزلو ياريمي
ياش توكر اولدوز كيمي بو چشم خونباريم منيم
اي بو غملي كونلومون تاب و تواني سويله بير
عهد و پيمانين نه اولدو نه اولدو ايلقاريم منيم
" شهريارم " گرچه من سوز مولكونون سلطاني ام
گوز ياشيمدان باشقا يوخ در شهواريم منيم
اوستاد علي آقا واحيد دن بير گوزل شعر
بيرگون گوزه ليم قبريمين اوستن اوتوشرسن
درديندن اولن عاشيقيني باشه دوشرسن
ائتمز ملك اولسا بو قدر ناز و غمضه
اينصاف ائله باري گوزليم سن كي بشرسن
نازيله گلر كن قدمين قوي گؤزوم اوسته
قويما قوري يئر اوستونه بيردن سوروشرسن
بيگانه ايله گزمه دئديم قلبينه دگدي
جانان نه بيليم سن بو قده ر دگمه دوشرسن
بير سالمادين اوز عاشيقيني يادينا ظاليم
اغياريله آمما گئديب هر گون اوپوشرسن
ال چك منه اي دل دئمه زولفوندن او ماهين
بير گون بو كمنده سن اوزونده ايليشرسن
رحم ائيلمه دين (( واحيد ه )) ظاليم ديريليكده
اولدوكده مزاريمله گئدرسن گؤروشرسن