نازنين نازنينان بر ما ناز دارد تا فراز

          در غم هجرانش اشكم شود رود آراز

بر ما ناز و بر رقيبان لطف دارد يار

            شب هجرانش شب يلداست و دراز

وصل جانان را آرزو دارم از فلك اي نازنين

           گر رسم بر آرزو دگر نباشم در نياز

تو را چه سود از همنشيني با دگران

           نيك گفته اند كبوتر با كبوتر باز با باز

چون نشد درد من درمان از سوي دوست

           كردم تمناي وصل اجل به وقت نماز

مينوازديم درد دل را در ساز شور

           كنون كوك كردم ساز دل را بر حجاز

فغان دل كه تا آسمان هفتم برفت

             جايماز، نشنود كس كه باشد چاره ساز

اي گول ، سني هر كس كي ، سئويب بخته ور اولدو

عشقينده بير آنجاق منم عؤمروم هدر اولدو

كيم سئودي قارا زولفونو ، آغ گونلره چيخدي

طالع منه يار اولمادي بير دردسر اولدو

من آغلاديم اؤز حاليما ، بيگانه سئويندي

شكر ائله كي من قالديم او مندن بتر اولدو

كويوندا منه ظلم ائله يندن بري غاليب

آهيم اودو يانديردي ، هامي دربدر اولدو

ييخماقدير مني قصدي نامرد رقيبين

بار وئرمه دي مقصودي ، بوتون بي ثمر اولدو

آيريلمازيديك بير بيريميزدن ، آراميزدا

گؤز دگدي بيزه ، بلكه ده بير بد نظر اولدو

بير بيلمه دين اؤز خئيريني ، بيگانه ني توتدون

منسيز سنه اي گول نه قدر گؤر ضرر اولدو

ائو ييخماغي ، قان تؤكمه گي ظن ائتمه هنردير

هر كيم وطنين سئودي او اهل هنر اولدو

وحشي ليگه ، نامردليگه ، نادانليغا نفرت

انسانليق ايله عؤمر ائله ين بخته ور اولدو

سندن سورا واحيد ، آييق اول قوي دئمه سينلر

دونيايا گليب گئتدي ، حاييف بي خبر اولدو

دل فداي او شد و جان نيز هم !

هي سوروشما : «ائو واري؟ماشين واري»؟
يار ما اين دارد و آن نيز هم !

اؤ آجي شيرين بوراخدي فرهادي !
عهد را بشكست و پيمان نيز هم !

بير شاپالاق وورموشام بيرظاليمه !
گفته خواهد شد به دستان نيز هم !

غم يئمه ، زنداني چَك ، چِك اوغروسو !
بگذرد ايام هجران نيز هم !

ايسته ييرسن شادليقي اوغرو ياشا
گفتمت پيدا و پنهان نيز هم !

يول تاپار ايراني اوغرو هر يئره !
بلكه بر گردون گردان نيز هم !

قورخمارام مست ائيله مكدن مي گتير !
بلكه از يرغوي ديوان نيز هم !

»خواجه حافظ » ميز داليندا رشوه يير !
و «آصف ملك سليمان »نيز هم

توركجه طنزلر ـ عليرضا رضايي

غربتده قالديم اي عزيزيم سن منه يار اولمادين

                سينه لر چاك ائيله ين درديمه غمخار اولمادين

چوخ چاليشديم درديمي اغياريدن پنهان قيلام

                چون سن منيم چون نازلي دلدار اولمادين

ناله و افغانيمي گويلرده توتماز اي گولوم

                 بير سن دخي نالم له بيدار اولمادين

افتخار اولماز سنه جور و جفالر پيشه سي

                جوردن يار اوسانيب بير دم ده بيزار اولمادين

حاليني بيگانه لردن سورماخ منه عاردير ولي

               اي عزيزيم سنده من تك عشقه بيمار اولمادين

گوناه دير كي منيم چون درمانين اولمور اي طبيب

               قيلديغين تجويزلرله سنده بير كار اولمادين

جايماز ، چوخ آغلاما گئت آل اجل دن سن پاي ين

               چون بو زار احوالي له فكر شب تار اولمادين

يئنه اول ماه منيم آلدي قراريم بو گئجه

            چيخاجاقدير فلكه ناله و زاريم بو گئجه

شمع وش محرم بزم ائيله دي اول ماه مني

            ياناجاقدير يئنه هيجر اودونا واريم بو گئجه

هم وصالي وورار اود جانيما هم هيجراني

            بير عجب شمع ايله دوشدو سر كاريم بو گئجه

نه توتوندور كي چيخار چرخه دل زاره مگر

            هيجر داغيني وورار لاله عذاريم بو گئجه

صبحه سالدي بو گئجه شمع كيمي قتليمي هيجر

             اولا كي صبح گلينجه گله ياريم بو گئجه

پاره پاره جيگريم ايتلرينه نذر اولسون

             اول سر كويا اگر دوشسه گذاريم بو گئجه

وار ايدي صبح وصالينا فضولي اوميد

              چيخماسا حسرت ايله جان فگاريم بو گئجه

فضولي دن تخميس

ديار عشقه سلطانام ، بلالر چوخ چكيب باشيم

جلال شؤكتيم غمدير ، هجوم درد فراشيم

عومورلر دير آخير كويونده يارين قانلي گؤز ياشيم

 « دگيلسن چوخدان اي گردون جهان سئرينده يولداشيم »

« نولا خم اولسا قدديم ، سندن آرتيقدير منيم ياشيم ؟ »

خيال ائيلر گؤره ن ، بير بولبولم گولزار عشق ايچره

ياخار گولزاري نالم آه آتشزار عشق ايچره

مني سئوداي حسرت دير ييخان آزار عشق ايچره

« ترازوي عيار محنتم بازار عشق ايچره »

« گؤزوم هر دم دولوب ، مين داشا هر ساعت ده ير باشيم »

گؤروب روسواليغيم ، عشقينده يارين طعن ائدر هر كيم

بلالر چكمه گه گويا مني چرخ ائله ميش تحكيم

فلكدن باشيما داشلار ياغار ، قيلماق ديلر تركيم

« سرشكيم آل ، باغريم پاره ، بير كوه بلايام كيم »

« هميشه لاله و لعل ايله رنگيندير ايچيم داشيم »

حياتي عاشيقين عشق اولماسا ، افسانه بير رؤيا

محبت دير فقط پژمرده لر قلبين ائدن احيا

مني عاشيق دوغوب قوينوندا يالنيز بسله ميش دونيا

« منه مانند بير ديوانه صورت باغلاماز ، گويا »

« قلم سينديردي تصويريم چكندن سونرا نقاشيم»

سئوينجي كؤنلومون يار ائتديگي قهر و غضبدندير

وفاده ثابت اولماق عاشيقه ، اصل نسبدندير

جفايه دؤزمه مك « واحيد » ، ددئمه رسم ادبدندير

« فضولي ! خازن گنج وفايام اول سببدن دير »

« گهرلر تؤكدو اسراف ايله بو چشم گهر پاشيم » 

دگيلسن چوخدان اي گردون جهان سئرينده يولداشيم

       نولا خم اولسا قدديم ، سندن آرتيقدير منيم ياشيم ؟

ترازوي عيار محنتم بازار عشق ايچره

       گؤزوم هر دم دولوب ، مين داشا هر ساعت ده ير باشيم

سرشكيم آل ، باغريم پاره ، بير كوه بلايام كيم

      هميشه لاله و لعل ايله رنگيندير ايچيم داشيم

منه مانند بير ديوانه صورت باغلاماز ، گويا

      قلم سينديردي تصويريم چكندن سونرا نقاشيم

فضولي ! خازن گنج وفايام اول سببدن دير

     گهرلر تؤكدو اسراف ايله بو چشم گهر پاشيم

هر كس كي دئسه درديمي دلداره منيم چون

                 گويا كي طبيبيمدير ائديب چاره منيم چون

بير بولبولم اؤز ناله زاريم منه بسدير

             كيم يالواراجاق گولدن اؤتور خاره منيم چون

بير لاله روخون من يئنه زولفونده اسيرم

              گؤردوكده دئيير خلق گونو قاره منيم چون

جاندان كئچه رم بير ائله حال اهلي اولايدي

              درديم دئييب اول دلبره يالواره منيم چون

پروانه ده اولسايدي اگر منده اولان عشق

            يوز شؤق ايله چيرپاردي اؤزون ناره منيم چون

هيچ بير كسه راضي دئييلم يار يولوندا

             منت چكه بوندان بئله اغياره منيم چون

باشدان باشا واحيد ، بوتون عالم گوزل اولسا

            آرتيقدير هاميدان يئنه مه پاره منيم چون

چوخ شئي ايتيرميشم ...

چوخ شئي ايتيرميشم حياتدا ، چوخ شئي ؛

هله نه لري ده ايتيره جگم

هله ليك منيم دير بو توپراق ، بو گؤي

بير گون باشقاسينا يئتيره جگم .

بير قادين ساچينا وورولوب دويون

اونا آنا آدي گتيرميشم من

كپنك دالينجا يويوروب بير گون

آنا لايلاسيني ايتيرميشم من .

ايلك دفعه هارداسا تيتره ييب سسيم

قيزلار گؤزلريمده غريبه له شيب

بير اودلو دوداغا دييب نفسيم

قلبيمه ايلك سئودا او گوندن دوشوب

بيرده گؤرموشم كي ، اوشاقليق ايتيب

دجل ليك ياشيما ياراشمير منيم

قونشو قيزلاري دا هاراسا گئديب

ساچلاري اليمي دولاشمير منيم

چوخ شئي ايتيرميشم حياتدا ، چوخ شئي

قازانجيم بير اودلو جاوانليق اولوب

كيمه سه ايستگيم گؤرونوب اؤگئي

كيمه سه نفرتيم بير آنليق اولوب

عومور گاه گونئي دير ، گاه دا كي قوزئي

حياتدا ايتيريب تاپماقدير پئشه م

چوخ شئي ايتيرميشم حياتدا ، چوخ شئي

آنجاق اوميديمي ايتيرمه ميشم ...