دون ائشيتديم بير سيه زولفه گرفتار اولموسان
اي ملك صورت منيم تك عاشق زار اولموسان
وئرميسن بير سنگدل دلدارا نازيك كؤنلونو
سن مگر كؤنلوندن اي مه پاره ، بيزار اولموسان
چكميسن جانان جفاسين ، گورموسن هيجران غمين
شوكر الله حاليما اي گول خبردار اولموسان
گورموسن آيئنه ي وجهينده عكس صورتين
طاقت و هوشون گئديب ، بير نقش ديوار اولموسان
شؤق لعليندن اونون ، اي خسروي شيرين زبان
سيد شيرين سخن تك صاحب اشعار اولموسان