Getmək istəyirsən, bəhanəsiz get,
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun, bari.

Sən dəniz qoynuna tullanmış çiçək,
Üstünə dalğalar atılacaqdır.
Saxta məhəbbətin saxta sənəd tək
Nə vaxtsa üstündə tutulacaqdır.

Demirəm, sən uca bir dağsan, əyil
Demirəm, əlacım qalıbdır sənə.
Nə səndə məhəbbət qara pul deyil,
Nə mən dilənçiyəm, əl açım sənə.

Döşənim yollar tək ayaqlarına,
Sənə yalvarım mən, bu mümkün deyil.
Qoymaram qəlbim tək vüqarım sına,
Alçalıb yaşamaq ömür-gün deyil.

Getmək istəyirsən, o yol, o da sən,
Bir cüt göz baxacaq arxanca sənin.
Getdinmi, geriyə dönmək istəsən,
Tikanlı yastığa dönəcək yerin.

Getmək istəyirsən nə danış nə din
Yox ol uzaqlartək dumanda çəndə
Nəyimi sevmişdin diyə bilmədin
İndisə yüz eyib görürsən məndə

Getmək istəyirsən, bəhanəsiz get,
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun, bari.

آذربايجاندا اولور

تنگ اولور باشيما تك ليك ساري، عا لم گئجه لر

ير نفر اولمادي منله اولا همدم گئجه لر

عشقه بيگانه اولانلار نه بيلير كيم نه چكير

چكمه سين من چكني اهل جهنم گئجه لر

بير منم، بير بو قلم ، بيرده بو ويرانه كونول

اوچوموزده گليريك ناله يه باهم گئجه لر

كيمسه بيلمز اورگيم سيرريني دونيادا منيم

ياز قلم دورما كي سن سن منه محرم گئجه لر

يارالي كونلومه كوندور وورولان ياره لره

مهربان يار الي ايستر قويا مرهم گئجه لر

نه وئرر گوندوزو مهلت منه هيجران ستمي

نه قويار باش يئره بير لحظه قويام غم گئجه لر

عشقينه صادق اولان جهد ايله همت كمرين

درد و غم چكمه يه باغلار بئله محكم گئجه لر

منده مجنون كيمي زنجيريده گوررم اوزومو

اوندا كي زولفون اولار گوزده مجسم گئجه لر

من چكن غم يوكونو بير گئجه چرخين بئلينه

قويسالار، پشت فلك غمدن اولار خم گئجه لر

پرده لي قويدو سوزون « بارز» ه فاش ائيله مه دي

سرَلر اورتويو بو قورخولو مبهم گئجه لر.

 بير ده  سني گورمك ايستميرم گوزل

             عاشق اولوب  سني سئومك ايستميرم گوزل

من تك سئونين اصلا اولماياجاقدير

              سنده منيم قديريمي بيلمك ايستميرم گوزل

آتدين گوزوندن منه بي چاره ني سن

              من سني اما قلبيمدن سيلمك ايستميرم گوزل

بير گوزل گول عشقينه مبتلا اولموشام

             گولوستاندا باشقا بير گول درمك ايستميرم گوزل

بير بيريندن آيري قاليب قوجاغلاشان قوللاريميز

             سويوق الينله يانار اليمي بيرلمك ايستميرم گوزل

اوره گين هميشه آيريليغا بهانه گزير

             بو سونكو بهانه ني دينلمك ايستميرم گوزل

جايماز يارينين اوزو هميشه گولور

            منده اوزومو غم دن سيلكمك ايستميرم گوزل

                         منه سن گره كسن،سن

من يانارام دونن، بوگون

                        منه سن گره كسن،سن

نه وارليغا سئوينيرم 

نه يوخلوغا غم لنيره م

عشقين ايله اووونورام 

                         منه سن گره كسين،سن

عشقين عاشيقلار اوءلدورور 

 عشق ده نيزينه دالديرير

تجلي ايله دولودور 

                          منه سن گره كسن سن

عشقين شربتيندن ايچه م 

 مجنون اولوب جاندان كئچه م

سنسن داييما انديشه م 

                          منه سن گره كسن ،سن

صوفيلره صحبت گره ك

 اخييه آخرت گره ك

مجنونلارا لئيلي گره ك

                        منه سن گره كسن،سن

اگر مني اوءلدوره لر 

 كولوم گوءيه سووورالار

تورپاغيم اوندا چاغيرار 

                          منه سن گره كسن ،سن

يونيس دير منيم آديم 

 گون كئچديكچه آرتار اودوم(odum)

ايكي جاهاندا مقصودوم 

                          منه سن گره كسن،سن

وطن

وطنين وارليغينا باغليدي جان ساغليغيميز

قايئدير توپراقا دونيا اوزو اوزآغليغيميز

وطنيم اولماسا كيم آنلئياجاق كيم ليگيمي

ديليو اولمازسا نئجه آنلاتارام بيلديگيمي

وطنيم واردي ائليم واردي ديليم واردي منيم

من وطن سربازيام بايراقي اولسون كفنيم

وطنيم سانكي بئشيكدي بيز اونا امليك اوشاق

وطنين نغمه سيني قانلا يازاق جانلا قوشاق

گوجلو بير زنجيره بنزر قيرا بيلمز اونو يئل

داغدان آشسا داغيدار وريانين بنديني سئل

من وطن اولاديام تا وطنيم واردي وارام

وطنين ايستگي وار منده اونا ايستي يارام

شرف و غيرتيميز واردي يقين ساتماميشيق

بودور علت وطنين ايلقاريني آتماميشيق

آلا بيلمئز بيري بيزدن وطنين ايسته گيني

يخيليرسا جانيميزدان ووراريق دسته گيني

وطنين قيمتين آنلا سونرا گئز تورپاقيني

آنالار سينه سي هردم چكير اولاد داغيني

بو ايگيدلر قانين قايناغيدي گئچمه تاني

تاني توپراقلارين آلتيندا كفنسيز ياتاني

دوشمنين دائم ايتيلدير چوروين ديشلريني

سئچئريك بيز ياغي دوشمنلريوين ايشلريني

بير نفر جورأت ائده نمز بو يئره ايري باخا

دئميرم سارسامان آلتيندا سو تك گيزلين آخا

آغاجين ريشه سي طوفان دا قوپارسا دايانار

بو ائليمدير بو ديليمدير كوكي واردير قازانار

آيازين شعري وطن وصفينه ميندن بيري دي

تا وطن واردي وطن عشقيده دائم ديريدي

شعر از : حسن رحماني