داش اوركلرده يانيب ، داشلاري سينيديردي موغام
حاققا دوشمان اؤلاني ، حاققا تاپينديردي موغام
نه گومان ائله ميسن اؤندا كي طيلسيملري سن
كؤرو آهي ايله قوروتدو ، سالي يانديردي موغام
اؤنون هر گؤشه سي بير خاطره ، بير جانلي كيتاب
كئچيلن يوللاري هر دن بيزه آنديردي موغام
سو چيلر ، كينلي اؤركلرده غضب تونقالينا
نئچه قصدين اؤنونو كسدي دايانديردي موغام
اؤ اؤرك يانقيسي ، گؤز ياشلاري بير چنگه بولود
اوياديب يادداشتي وجداني اوتانديردي موغام
دفن ائدين سيز مني زابول سئگاهين مايه سينه
دئييرم بلكه مني بير گون اويانديرردي موغام
چوخ كيتابلار اوخودوم ظن ائله ديم بختيارام
منه چوخ مطلبي آهسته جه قانديردي موغام
دل فداي او شد و جان نيز هم !
هي سوروشما : «ائو واري؟ماشين واري»؟
يار ما اين دارد و آن نيز هم !
اؤ آجي شيرين بوراخدي فرهادي !
عهد را بشكست و پيمان نيز هم !
بير شاپالاق وورموشام بيرظاليمه !
گفته خواهد شد به دستان نيز هم !
غم يئمه ، زنداني چَك ، چِك اوغروسو !
بگذرد ايام هجران نيز هم !
ايسته ييرسن شادليقي اوغرو ياشا
گفتمت پيدا و پنهان نيز هم !
يول تاپار ايراني اوغرو هر يئره !
بلكه بر گردون گردان نيز هم !
قورخمارام مست ائيله مكدن مي گتير !
بلكه از يرغوي ديوان نيز هم !
»خواجه حافظ » ميز داليندا رشوه يير !
و «آصف ملك سليمان »نيز هم
توركجه طنزلر ـ عليرضا رضايي
اي دائِماً در «يان»ِ ما ؛ همكار بي وجدانِ ما !
قاچ گئت بيزه ساري نَيا ؛ چون ييرتيليب تنبانِ ما !!
اي چشمهايت چون پيشي ؛ سينديرميسان بيزدن ديشي !
آخر نه دن ائششك كيشي ؛ سن تشنه سن بر قانِ ما ؟!
گفتي : «برس بر دادِ ما ؛ عرشه چاتيب فريادِ ما
هي قيشقيرير آروادِ ما ؛ زيرا سينيب قالخانِ ما»!!
»قاش»ِ خودش برداشته ؛ خودرا «قادين» پنداشته !
چؤ دوشدو : «پستان كاشته ؛آرواد اولوب ؛ اوغلانِ ما!! «
زاهد سني گؤردوم دونَن ؛ من در قوجاقِ ؛ «نسترن»!
بو ايشلري گَل گؤرمه سَن ؛ بادَه گئدر ايمانِ ما !
آيران ايچينده وار مگس ، اين را مگو با هيچ كس
افتاده سوسكي چون عدس ، ياخشي پيشيب در نانِ ما !
بيزلر يالانچي ، اَيري اَل ، مؤمن وَ ليكن مبتذل !
مارا رها كن اي گؤزل ، اولماز داها درمانِ ما !
اي كله ات همچون اينَك ! پيش بيني ائتمه گل گئدك !
گرديم سبزه يا تَزَه ك ! معلوم دئييل پايانِ ما !
رفته يوخاري نرخ ها ، اؤلدوردي ياري نرخ ها
يانديردي آري نرخ ها ، بير منطقه از رانِ ما !
گلدي اِس اِم اِس لَر مَنَه ، بؤش خرمن اوستونده يئنه
گيره دوشوب «خاور ننه » در كابين نيسانِ ما !
دوردي يوخودان «مش صفر» ، مي گفت گريان و دَمَر:
«اي دزد وجدان سيز نَبَر ، ياسديقيلان يؤرغانِ ما !!«
توركجه طنزلر - عليرضا رضايي
قطره اشكي بچكانيد و مرا «ياش»كنيد !
كورَه كَنلر من اؤلَن گؤنده گؤتوزده توي اولار !
آغلايين اوزده ولي دالدا «نيناش ناش»كنيد !
قبريم اوستونده گليب ؛ آغلامايين صيغه لريم
قورخورام ياس گئجه سي راز مرا فاش كنيد !
لطف ائديب كارخانالاردا ؛ بيزي فراش كنيد !!
اولماسا پول تانيمازلار سيزي ؛ هئچ كس سايما ز !
حذر از باجي و باج اوغلو و قارداش كنيد !
ثابت اؤلدو كي بيزيم دوره ؛ فضول دوره سي دير !
سيز نخود تك ؛ اؤزوزي داخلِ هر آش كنيد ! !
توركجه طنزلر - عليرضا رضايي
بير گؤيه رچين كيمي دنسيزله ميشم
بولبولم ، يازدا چمنسيز له ميشم
اسكي دن شانلي – شرفلي ائليديم
ظاليمه قارشي آمانسيز سئليديم
زيروه سي چنلي – دومانلي بئليديم
ايندي مدتدي كي چنسيزله ميشم
درديمين يوخ آدي عنواني دئسم
حيرته دالديرار اينساني دئسم
باشقا بير سوزله بو معناني دئسم
اؤز دياريمدا وطنسيزله ميشم
درد مني يانديرير آمما آدي يوخ
اؤدور آغزيمدا حياتين دادي يوخ
دئميرم دردلر ايچينده آدي يوخ
دئييرم من بئله منسيزله ميشم
اي منيم منليگيم ايمداديما يئت
بيرجه گل منله قؤووش داديما يئت
مني باس باغرينا فرياديما يئت
بيلميسن كي نئجه سنسيزله ميشم
منه سن گره كسن،سن
من يانارام دونن، بوگون
منه سن گره كسن،سن
نه وارليغا سئوينيرم
نه يوخلوغا غم لنيره م
عشقين ايله اووونورام
منه سن گره كسين،سن
عشقين عاشيقلار اوءلدورور
عشق ده نيزينه دالديرير
تجلي ايله دولودور
منه سن گره كسن سن
عشقين شربتيندن ايچه م
مجنون اولوب جاندان كئچه م
سنسن داييما انديشه م
منه سن گره كسن ،سن
صوفيلره صحبت گره ك
اخييه آخرت گره ك
مجنونلارا لئيلي گره ك
منه سن گره كسن،سن
اگر مني اوءلدوره لر
كولوم گوءيه سووورالار
تورپاغيم اوندا چاغيرار
منه سن گره كسن ،سن
يونيس دير منيم آديم
گون كئچديكچه آرتار اودوم(odum)
ايكي جاهاندا مقصودوم
منه سن گره كسن،سن
وطن
وطنين وارليغينا باغليدي جان ساغليغيميز
قايئدير توپراقا دونيا اوزو اوزآغليغيميز
وطنيم اولماسا كيم آنلئياجاق كيم ليگيمي
ديليو اولمازسا نئجه آنلاتارام بيلديگيمي
وطنيم واردي ائليم واردي ديليم واردي منيم
من وطن سربازيام بايراقي اولسون كفنيم
وطنيم سانكي بئشيكدي بيز اونا امليك اوشاق
وطنين نغمه سيني قانلا يازاق جانلا قوشاق
گوجلو بير زنجيره بنزر قيرا بيلمز اونو يئل
داغدان آشسا داغيدار وريانين بنديني سئل
من وطن اولاديام تا وطنيم واردي وارام
وطنين ايستگي وار منده اونا ايستي يارام
شرف و غيرتيميز واردي يقين ساتماميشيق
بودور علت وطنين ايلقاريني آتماميشيق
آلا بيلمئز بيري بيزدن وطنين ايسته گيني
يخيليرسا جانيميزدان ووراريق دسته گيني
وطنين قيمتين آنلا سونرا گئز تورپاقيني
آنالار سينه سي هردم چكير اولاد داغيني
بو ايگيدلر قانين قايناغيدي گئچمه تاني
تاني توپراقلارين آلتيندا كفنسيز ياتاني
دوشمنين دائم ايتيلدير چوروين ديشلريني
سئچئريك بيز ياغي دوشمنلريوين ايشلريني
بير نفر جورأت ائده نمز بو يئره ايري باخا
دئميرم سارسامان آلتيندا سو تك گيزلين آخا
آغاجين ريشه سي طوفان دا قوپارسا دايانار
بو ائليمدير بو ديليمدير كوكي واردير قازانار
آيازين شعري وطن وصفينه ميندن بيري دي
تا وطن واردي وطن عشقيده دائم ديريدي
شعر از : حسن رحماني
استاد در تاريخ۲۱/۵/۱۳۹۱در ليالي قدر همراه دخترش به ديار باقي پر كشيدند.
(روحشان شاد)
((يك قطره از درياي بي كران استاد))
اؤز بابام سلطاندي اؤز بابام خاندي
باش اگيره م اؤزگه سلطان خانا من
قهرمانلار بير-بير دوشور ياديما
عارسيز عارسيز ياشييرام آنا من
قويمازلار قاوزانا آذربايجاني
يازيلمير تاريخه تورك قهرماني
بابك يولو گئدين قوي گئتسين جاني
تنگيميشم لاپ گلميشم جانا من
عارسيز عارسيز ياشييرام آنا من
بابكين قالاسي قوشا تاغليدي
باخساز سينه م اللي يئردن داغليدي
جسديم پلين دي ديليم باغليدي
لال اولموشام چكيلميشم يانا من
عارسيز عارسيز ياشييرام آنا من
سئل آپاردي خان چوبانين ساراسين
بهرنگي نين قلمينين قاراسين
يادا سالسام من بابكين ياراسين
گؤز ياشيني گره ك قاتام قانا من
عارسيز عارسيز ياشييرام آنا من
ازل ياراناندا دوز آدام آتا
هانسي ديل اولار كي بو ديله چاتا
انصاف دييل بو ديل هئچ ايته باتا ؟
باتسا گره ك دوشم ناحاق قانا من
عارسيز عارسيز ياشييرام آنا من
(كتدي شاهباز) ماتم چكير ايل بويو
من شعر دئييم معناسيني بيل بويو
الدن گئديراعتبارلي ديل بويو
ديليم يوخدو اوللام سفيه دانا من
عارسيز عارسيز ياشييرام آنا من
ايكي باشلي يوللار ـ منصور زينال زاده ( وفا )
قهر ائديب پير و جوانه اهرين زلزله سي
عالمي گتدي فغانه اهرين زلزله سي
ورزقان شهريني ييخدي ؛ هريسي ائتدي وئران
يئنه قاتدي قاني قانه اهرين زلزله سي
اولدوروب كؤرپه ني ، آغ ساققالي ؛ آغ بيرچگيده
باخمادي خانه ؛ چوبانه اهرين زلزله سي
تو كدي يارپاق كيمي اينسانلاري ظولميله يئره
اوخشادي باد خزانه اهرين زلزله سي
مردمين كونلوني يانديردي ؛ يامان ائتدي كباب
اود ويران واختدا تيكانه اهرين زلزله سي
تازه داماديله ، تازه گليني اؤلدوردي
قوجاني سالدي زيانه اهرين زلزله سي
باخمادي فقره ، اوروج آغزا ، ساري رخساره
شب قدره ، رمضانه ، اهرين زلزله سي
كيمسه سيز خلقين ائوين ييخدي ؛ داغيتدي تيفاقين
ويردي اود خُرد و كلانه اهرين زلزله سي
پايه سيز ائولري ديوانه فلك ويردي يئره
گوجونو قويدو قاپانه اهرين زلزله سي
قيزلارين ياخشي تخيّوللاري ، رؤيالاريني
دوندريب گؤر نه يامانه اهرين زلزله سي !!
من كي تصوير ائده بيلمم بو يامان فاجعه ني
وصفي گلمز كه بيانه اهرين زلزله سي
اردبيل شهريني ؛ گيلاني تكان وئردي تمام
چاتدي قزوين ؛ همدانه اهرين زلزله سي
يئنه بو زلزله بش گونده چيخار يادلاردان
كاش مسئوللار اويانه ؛ اهرين زلزله سي !!!!!!