گيريب مئيخانه يه مئي مشربيله كيم كي خو ائيلر
اولوب مومن بهشته كافرم گر آرزو ائيلر
مگر ديوانه دير سئوداي ابروسيله زاهيد كيم
باخيب محرابا داييم ئوز -ئوزويله گفتگو ائيلر
دمادم قطره -قطره قان ياشيمدير كيم چيخار گوزدن
و يا پئيكانلارين كيم آتش دل آني سو ائيلر
ره عشقينده اولماق سنگدل سئودا هجوموندان
طريق سلطنت هر كيم توتار، غوغايا خو ائيلر
دئديم : كيمدير پريشان ائله ين عاشيقلر احوالين؟
صبا گوستردي تار سونبول زولفون كي : بو ائلر
فضولي زولفونه باغلاندي اما ئويله اينجلدي
كي گويا ضعف آني هم، زولفونه بير تار مو ائيلر
ايلك سئوگي انسانا قيسمت اولمايير
چكيب سينه سينه داغي گئديبدير
ايلك سئوگيدن نشانه قالماييب
پوزولوب بوستانين باغي گئديبدير
نييه سئويرديم كي نييه ده يانام
هانسي گولده اوزور او گوزل سونام
عشقين بوز داغيدير قورخورام دونام
اوزولوب اوره ييم، ياغي گئديبدير
خوشبختيديم سني سئودييم زامان
آلدي يوللاريمي چيسگين، چن، دومان
عشقين مير علي ني قوجالدير يامان
دييه سن جاوانليق چاغي گئديبدير