ياندي جانيم هيجر ايله وصل رخ يار ايسته رم
دردمند فيرقتم درمان ديدار ايسته رم
بولبول زارام دگيل بيهوده افغان ائتديگيم
قالميشام نالان قفس قئيدينده گلزار ايسته رم
دهر بازاريندا كاسيددير متاع همتيم
بو متاعي ساتماغا بير ئوزگه بازار ايسته رم
فاني اولماق ايسته رم ، يعني بلاي دهريدن
راحت جيسم ضعيف و جان افگار ايسته رم
نولا گر قيلسام شب هيجران تمناي اجل
نئييله ييم ؟ چوخدور غميم دفعينه غمخوار ايسته رم
چون بقا بزمينده دير دلدار من هم دورمازام
بو فنا عالم ده بزم وصل دلدار ايسته رم
اي فضولي ، ايسته مز كيمسه رضاسيله فنا
من كي بوندان ئوزگه بيلمم چاره ناچار ايسته رم