استاد در تاريخ۲۱/۵/۱۳۹۱در ليالي قدر همراه دخترش به ديار باقي پر كشيدند.
(روحشان شاد)
((يك قطره از درياي بي كران استاد))
اؤز بابام سلطاندي اؤز بابام خاندي
باش اگيره م اؤزگه سلطان خانا من
قهرمانلار بير-بير دوشور ياديما
عارسيز عارسيز ياشييرام آنا من
قويمازلار قاوزانا آذربايجاني
يازيلمير تاريخه تورك قهرماني
بابك يولو گئدين قوي گئتسين جاني
تنگيميشم لاپ گلميشم جانا من
عارسيز عارسيز ياشييرام آنا من
بابكين قالاسي قوشا تاغليدي
باخساز سينه م اللي يئردن داغليدي
جسديم پلين دي ديليم باغليدي
لال اولموشام چكيلميشم يانا من
عارسيز عارسيز ياشييرام آنا من
سئل آپاردي خان چوبانين ساراسين
بهرنگي نين قلمينين قاراسين
يادا سالسام من بابكين ياراسين
گؤز ياشيني گره ك قاتام قانا من
عارسيز عارسيز ياشييرام آنا من
ازل ياراناندا دوز آدام آتا
هانسي ديل اولار كي بو ديله چاتا
انصاف دييل بو ديل هئچ ايته باتا ؟
باتسا گره ك دوشم ناحاق قانا من
عارسيز عارسيز ياشييرام آنا من
(كتدي شاهباز) ماتم چكير ايل بويو
من شعر دئييم معناسيني بيل بويو
الدن گئديراعتبارلي ديل بويو
ديليم يوخدو اوللام سفيه دانا من
عارسيز عارسيز ياشييرام آنا من
ايكي باشلي يوللار ـ منصور زينال زاده ( وفا )
قهر ائديب پير و جوانه اهرين زلزله سي
عالمي گتدي فغانه اهرين زلزله سي
ورزقان شهريني ييخدي ؛ هريسي ائتدي وئران
يئنه قاتدي قاني قانه اهرين زلزله سي
اولدوروب كؤرپه ني ، آغ ساققالي ؛ آغ بيرچگيده
باخمادي خانه ؛ چوبانه اهرين زلزله سي
تو كدي يارپاق كيمي اينسانلاري ظولميله يئره
اوخشادي باد خزانه اهرين زلزله سي
مردمين كونلوني يانديردي ؛ يامان ائتدي كباب
اود ويران واختدا تيكانه اهرين زلزله سي
تازه داماديله ، تازه گليني اؤلدوردي
قوجاني سالدي زيانه اهرين زلزله سي
باخمادي فقره ، اوروج آغزا ، ساري رخساره
شب قدره ، رمضانه ، اهرين زلزله سي
كيمسه سيز خلقين ائوين ييخدي ؛ داغيتدي تيفاقين
ويردي اود خُرد و كلانه اهرين زلزله سي
پايه سيز ائولري ديوانه فلك ويردي يئره
گوجونو قويدو قاپانه اهرين زلزله سي
قيزلارين ياخشي تخيّوللاري ، رؤيالاريني
دوندريب گؤر نه يامانه اهرين زلزله سي !!
من كي تصوير ائده بيلمم بو يامان فاجعه ني
وصفي گلمز كه بيانه اهرين زلزله سي
اردبيل شهريني ؛ گيلاني تكان وئردي تمام
چاتدي قزوين ؛ همدانه اهرين زلزله سي
يئنه بو زلزله بش گونده چيخار يادلاردان
كاش مسئوللار اويانه ؛ اهرين زلزله سي !!!!!!
آذربايجان سنين باشين ساغ اولسون
اي وطن قره داغيم باتيبدي
ايگيدلري بير دفعه ليك ياتيبدبدي
ستارخانيم هاردا ياتيب اويانسين
ويران قالميش يوردون ايندي دولانسين
توپراق آلتدا كي لاري چيخارسين
اي وطن قره داغيم باتيبدي
ايگيدلري بير دفعه ليك ياتيبدبدي
يئر تيترييب قره داغيم اوچوبدي
ايگيدلري يئرده ن گويه اوچوبدي
خوش گونلري يوكون چاتيب كوچوبدي
اي وطن قره داغيم باتيبدي
ايگيدلري بير دفعه ليك ياتيبدبدي
ورزقانيم بيرده ن بيره تالاندي
اورگيمده غم اوسته غم قالاندي
كيمسه يارديم جي يوخ يالاندي
اي وطن قره داغيم باتيبدي
ايگيدلري بير دفعه ليك ياتيبدبدي
سنين ياراوي نامردلر باغلاماديلار
سنين مصيبتينه هيچ آغلاماديلار
اولنلرين يئرده قالدي آغلاماديلار *
اي وطن قره داغيم باتيبدي
ايگيدلري بير دفعه ليك ياتيبدبدي
تلويزيون سني سايمادي اوزگدن ياپيشدي
قره داغيم جنت دن بير قاريشدي
جايمازين گوزنده ياش ياشا قاريشدي
اي وطن قره داغيم باتيبدي
ايگيدلري بير دفعه ليك ياتيبدبدي
* آغلاماديلار = كفنله مه ديلر
كهليگيم اوچدو اليمدن داش باشيما توشسون
سئوگيليم چيخدي اليمدن داش باشيما توشسون
نيه اوچوتدوم من سني نيه
سئوگيم نيه گلمه دي گوزه
يالواريرام گوز ياشيم اخير اوزه
سئوگيليم چيخدي اليمدن داش باشيما توشسون
سنسيزگوزلريم قالار آغلار
حسرتين اوره گيمي داغلار
دنيزلرده سنسيز چاغلار
سئوگيليم چيخدي اليمدن داش باشيما توشسون
كاش بيليديم ايندي سنين يئرين
قالماياجاق منده نه هوش نه بيين
سئوگيليم چيخدي اليمدن داش باشيما توشسون
دا بسدي چوخ آغلاما جايماز
ازلدن او سني عاشيق سانماز
سئوگي ندير آنلاماز قانماز
سئوگيليم چيخدي اليمدن داش باشيما توشسون
ساچلارينا بنزتميشم گئجه مي
اوزاق گزمه يانيما گل سئوگيليم
دوداغيندا ايتيرميشم سؤزومو
گولوشونله جانيمي آل سئوگيليم
سن او تايدا من بو تايدا آرالي
كؤنلوم درد ايلندن اولوب يارالي
يانيما گل آذربايجان مارالي
گولوشونله جانيمي آل سئوگيليم
سن منيم چون يازيلماميش بير شعير
سطيرلر دينله نير سطيرلر دئيير
بو كلمه لر ماهني كؤينه يي گئيير
گولوشونله جانيمي آل سئوگيليم
بابكين شعرينده غم وار كدر وار
ووصالا چاتماغا مين بير تهر وار
هر گئجه سونوندا يقين سحر وار
گولوشونله جانيمي آل سئوگيليم
يارب نيه عشق اهلينه زيندان دي گئجه
مجنونلار اوچون سير نهان دي گئجه
عاشق معشوقون اونوتا بيلمز اينان
گوندوزلر اونوتسادا ياده سالان دي گئجه
يوخو گلمير گئجه لر عاشيقين گوزونه
چون كي سئوگي سيندن نگران دي گئجه
چيلله گئجه سينه دونوب هر گئجه ميز
نيه بئله بيزه عجيب اوزان دي گئجه
منده كي عشقين سوؤيوب سونمه يجك
هر گون آرتيب اوستونه قالان دي گئجه
يورگون گوزوم هيچ يومولا بيلمير
سنسيز هي ياتيب هي اويان دي گئجه
سنسيز دونيا منه ائله قارانليخ كي
ذند ائلرم آي لا گونش يالان دي گئجه
گوندوزلر يوللارينا باخيب سني گزيرم
تاپانماييب حسرتيندن گوزلريم سولان دي گئجه
ايندي فرهادي من اولموشام عصريميزين
بيستون يئرينه منيم اوره گيم چاپپالان دي گئجه
جايماز بو دونيادان هيچ بير كام آلماديم
عالمده بير جه منه قالان دي گئجه
قوجامان شهريار
شهريارا قلمين قودرتي آفاقي ياريب
جنگسيزفاتح اولوب كل بودنياني آليب
دونيايا خوش باخيشين شعرلرينده بولونور
بير بويوك عاطفه منظومه لرينده گورونور
دولي احساسيله خلق ايلميسن خان نه نه ني
آغلاديرگولدورور هرحاله سالير دينله يني
هرنه توصيف يازام آزدي بوحيدربابايا
چئوريليب چوخ ديله دنيا اوزي هاردان هارايا
اوانيشتئنه سلامين يئراوزون تيترتميش
قودرت علميوي هم شخصييتين گورستميش
شاه داغين شانلي سهندين اوجالانميش سنيله ن
آناوين شعريني يازدين دولي نيسگيل غميله ن
رحمت اولسون سنه رحمت اثرين يازماغوا
هم مناجاتلري حق ومحمدآدينا يايماغوا
آيينان دردلريوي پايلاشسان احساسينان
سانكي آي پارلايري سندن اولان فرمانينان
نوش دارو تك اوزون مرهم اولوبسان ياراما
سهراب اولدي اوزالينده اونادرمان اراما
كيم قاليب سن اونا ذوقيله اثر يازماميسان
فرقي يوخ شاه و گدانين هاميسين يادلاميسان
شاطراشالي كارا وارلياهم يوخسولاسوز
يازيسان تشويق ائديرسن دئييرسن غلمره دوز
تورك شعرينده بولوب دونيا سنين شهرتيوي
قلمين قودرتيني يوكيك اولان غيرتيوي
ديوانين كمييتي چوخ داها چوخ كيفييتي
نيسگيل او چرچيه قانميربيله موهبتي
هرنه سبك ونه سياق بولورسن يولوني
غزلين باغلئيري حافظ وسعدي قولوني
موسيقي ريتمله ري هرنه اولا اوستاديسان
چوخلي تاثير اليسان همده اوزون سازچاليسان
ميلله تين درديني هيچ كس سنه تاي سويلمدي
سن تك همديل اولوب آغلامادي گوينه مدي
بيراوشاق تك نئجه گاه سئيزلئييسان آغلئييسان
اييله بير لحظه اولور داش اورگي داغلئييسان
يئري وار چوخلي ايشارت ائلييم شعرله ريوه
چوخلي تمثيل وورام يئرليريوه سوزله ريوه
من سني زنده بولوب بيله مخاطب ائلييرم
سني هريرده هر ايشده اوزومييلن گورورم
شهريارا سن اوزون سانكي چراغسان اياز
هيچ نيازين يوخ اونون ناقيص اولان تعريفينه
گاه اوره ييم لال دايابيب گاه جوشور
فصيللر آخارينا سوز قوشور
آيزيليقدان لاپ باغريما قان دوشور
منده سئوگي تزه – تزه اويانير
گورمه ينده گوزلريني آغلارام
هارايلارام غمدن ماهني باغلارام
لالا كيمي اوره ييمي داغلارام
منده سئوگي تزه – تزه اويانير
اوتن سئوگي گليب – گئدن نفس ميش
سئوديكلريم بوش بير خيال هوس ميش
سنسيز اوتن هر ثانيه ام ابس ميش
منده سئوگي تزه – تزه اويانير
بير گوزلسن گوزللرين اولدوزو
حياتيمين بال –شكري – داد – دوزو
سيلينمك ده اوره ييمين كاس – توزو
منده سئوگي تزه – تزه اويانير
بابك قوجااوغلي
بعضا بودره ميشم دؤزو يانيندا
سئوگيدن سالميشام سؤزو يانيندا
مين دفعه كئچميشم آزي يانيندان
مني گورمه ميسن ، گورمه ميسن سن
گوزلريم حسرتله دولوب قالميشام
يولوندا گول كيمي سولوب قالميشام
اؤز – اؤزه گلنده دونوب قالميشام
مني گورمه ميسن ، گورمه ميسن سن
منه مي وئريبسن سنسيز كوچه ني ؟
آليب آپاريبسان سيرلي گئجه مي
يالانچي يوخولار آلداديب سني
مني گورمه ميسن ، گورمه ميسن سن
ياخشي ايسته ييب سن يامان تاپميسان
گونش آختاريب سان آي مان تاپميسان
حقيقت گزيب سن يالان تاپميسان
مني گورمه ميسن ، گورمه ميسن سن
دؤنوب بويلانيب سان اؤترگي سسه
منم سنين اوچون يارپاق تك اسن
خطرينه دئمه سين كورسان يا نه سن ؟
مني گورمه ميسن ، گورمه ميسن سن
پاييز دئميرم كي عومرون ياز اولسون
يوز ايل ده ، مين ايل ده سنه آز اولسون
اؤلسن باش داشينا بو سؤز يازيلسين
مني گورمه ميسن ، گورمه ميسن
استاد : نصرت كسمنلي
قيزلار ايستيير مني
نه اُولـوب نه لر چُونوب ، قيزلار ايسـتيير مني
بـــيري گؤز وورور منه ، بـيري سسليير مني
بـيري ناز ائيلييري ، بـــــيري ايسته دير اُوزون
بـــيري غمزيله باخير ، بـــــيري يانديرير مني
بـيري تيلفونون وئرير ، ديير زنگ اِئت منه سن
بــيري گول وئرير منه ، بــــيري دينديرير مني
بــــيري شعر ديير منه ، بــيري نامه گُونده رير
بـــيري اس ام اس وورور ، يازير گؤزليير مني
بئله بير گول اُوغلاني ، نيه سن ايسته ميسن
بيلميرم هانسي يئتيم ، سنه پيسليير مني
مجنونا هامّي بــــــــوگون ، گوزلرينده يئر وئري
قالميشام ليلا نـــيه ، گئنه ايسته مير مني
شاعير : وحيد شكرزاده