دگيلسن چوخدان اي گردون جهان سئرينده يولداشيم
نولا خم اولسا قدديم ، سندن آرتيقدير منيم ياشيم ؟
ترازوي عيار محنتم بازار عشق ايچره
گؤزوم هر دم دولوب ، مين داشا هر ساعت ده ير باشيم
سرشكيم آل ، باغريم پاره ، بير كوه بلايام كيم
هميشه لاله و لعل ايله رنگيندير ايچيم داشيم
منه مانند بير ديوانه صورت باغلاماز ، گويا
قلم سينديردي تصويريم چكندن سونرا نقاشيم
فضولي ! خازن گنج وفايام اول سببدن دير
گهرلر تؤكدو اسراف ايله بو چشم گهر پاشيم