غربتده قالديم اي عزيزيم سن منه يار اولمادين
سينه لر چاك ائيله ين درديمه غمخار اولمادين
چوخ چاليشديم درديمي اغياريدن پنهان قيلام
چون سن منيم چون نازلي دلدار اولمادين
ناله و افغانيمي گويلرده توتماز اي گولوم
بير سن دخي نالم له بيدار اولمادين
افتخار اولماز سنه جور و جفالر پيشه سي
جوردن يار اوسانيب بير دم ده بيزار اولمادين
حاليني بيگانه لردن سورماخ منه عاردير ولي
اي عزيزيم سنده من تك عشقه بيمار اولمادين
گوناه دير كي منيم چون درمانين اولمور اي طبيب
قيلديغين تجويزلرله سنده بير كار اولمادين
جايماز ، چوخ آغلاما گئت آل اجل دن سن پاي ين
چون بو زار احوالي له فكر شب تار اولمادين