بير ده سني گورمك ايستميرم گوزل
عاشق اولوب سني سئومك ايستميرم گوزل
من تك سئونين اصلا اولماياجاقدير
سنده منيم قديريمي بيلمك ايستميرم گوزل
آتدين گوزوندن منه بي چاره ني سن
من سني اما قلبيمدن سيلمك ايستميرم گوزل
بير گوزل گول عشقينه مبتلا اولموشام
گولوستاندا باشقا بير گول درمك ايستميرم گوزل
بير بيريندن آيري قاليب قوجاغلاشان قوللاريميز
سويوق الينله يانار اليمي بيرلمك ايستميرم گوزل
اوره گين هميشه آيريليغا بهانه گزير
بو سونكو بهانه ني دينلمك ايستميرم گوزل
جايماز يارينين اوزو هميشه گولور
منده اوزومو غم دن سيلكمك ايستميرم گوزل