گؤزوم سندن سيواي روخساره يه گر باخسا ، كور اولسون
دئييم بوندان بتر ، وصيليندن اي مه پاره دور اولسون
ايلاهي ! قانا دؤنسون غئير يادين ائيله سه كؤنلوم
گؤزوم چيخسين باخا سنسيز ، ا گر غيلمان و حور اولسون
گؤزون ياديله كؤنلومده ، عجب يوخ اولماسا عيشرت
نه مومكوندور گؤزوم ، بيمار اولان ائوده سرور اولسون
غرور حوسن ائديب ، اي مشك خط ، مندن كنار اولما
ندير نؤقصان سولئيمانا ، اگر هم بزم مور اولسون
اولوب بي نور هيجر عاريضينده ديده ي سيد
أوزوندن دور اولان گؤزده نه مومكوندور كي نور اولسون