قره داغدا قيامت قوپاجاخ بو گون
بولودلارين گوزو دولوب ائله بيل
قره داغدا قيامت قوپاجاخ بو گون
قاسيرقا طوفاندا گليب بير طرفدن
قره داغدا قيامت قوپاجاخ بو گون
اسير يوردوموزدا شاختا كولك
قارالدير لاله ياناقلاري بنووشه تك
يوخ اورگي يانان دوست كمك
قره داغدا قيامت قوپاجاخ بو گون
گئجه ايلن اؤزونو يئتيرر قار بوران
الله هين نعمتي اولوب بيزه دوشمان
شاختا ، يانديرما بيزي سن قران
قره داغدا قيامت قوپاجاخ بو گون
جهنم آتشي ايستير بوردا ميللت قيزيشا
قورخورام هوا قويمايا اود دا آليشا
نولا يارب ، ظاليم فلك بيزله بير باريشا
قره داغدا قيامت قوپاجاخ بو گون
بهداشت يوخ قالميشيخ پوخ ايچينده
اوشاخلارين صاباحا اوميد يوخ ايچينده
آزا حسرت اولدوخ بير بئله چوخ ايچينده
قره داغدا قيامت قوپاجاخ بو گون
نازلي كؤرپم دوزه بيلمير بو درده
چوخلارين چكيليب گوزونده پرده
اسكي انسانلار اولوبلار ايندي برده
قره داغدا قيامت قوپاجاخ بو گون
قيش گئدر اؤزو قره ليخ كوموره قالار
بو كومور ازلدن قره دير قره ده قالار
جايماز دا بو دردلره آليشار يانار
قره داغدا قيامت قوپاجاخ بو گون
ناز ائت منه، اي سئوگيلي جـانـان منـه نـاز ائـت))
اوّل بـاخيشينـدا منـي حئيــران ائلــه ديــن ســن
بير اينجه گولـوشلـه اوره گيـم قـان ائلــه ديــن سـن
سـونـرا منـي بيـر لطفيلـه خنـدان ائلــه ديــن ...
كافيـر قيـزي آخيـر منـي صنعـان ائلــه ديــن سـن
((يانسين ديليم آغزيمدا دئسـم نـازيـوي آز ائـت
ناز ائت منه، اي سئوگيلي جـانـان منـه نـاز ائـت))
٢
خلـق ائيلـه ميـش اؤز كئيفـي گلنـده سنـي تـاري
اؤلـدور بـو بـلادن منـي قـورتــار سنــي تــاري
رحـم ائـت منـه، بيگـانييـه نـاز ائيلــه مــه بــاري
آلقيـش ائلـه بيـر عـاشيقينــي محــرم راز ائــت
انصـاف ائلـه اؤز عـاشيقينـي محــرم راز ائــت
((ناز ائت منه، اي سئوگيلي جانـان منـه نـاز ائـت))
٣
آيينه نـي حئيـرتـده قـويـوب، عكـس جمـاليـن
خورشيدي خجـالتـده قـويـوب عـارض ِ آليـن
عاشيقلـري حسـرت قـويـوب زولفيلـه خـاليـن
بلكـه اولا قسمــت بيــزه گــولــزارِ وصــاليــن
هردن بو سينيق كـؤنلـومـو بيـر لطفلـه سـاز ائـت
((ناز ائت منه، اي سئوگيلي جانـان منـه نـاز ائـت))
۴
گـؤردوم، گـؤزه ليـم، اوزگييـه سـن نـاز ائلـه ينـده
آز قالدي كي، روحوم اوچا، جان قالمادي منده
بـو نـاز و نـزا كــت وارايكــن بيــر بئلــه سنــده
درد اهلـي اينـان دوشمـه يـه بيلمــز بــو كمنــده
دائـم بـو گـؤزه ل خلقتــه ميــن رازِ نيــاز ائــت
((ناز ائت منه، اي سئوگيلي جانـان منـه نـاز ائـت))
۵
تبيليس شهرين ائيله ميش هر كيمسه كـي، ايجـاد
جنّت كي، دئييرلر، ائـديـب ايجـاد اونـو شـدّاد
بـوردان آپـاريـب حـوري و قيلمـان و پــريــزاد
يـارب، بـو پـريچهـره لــري بنــده نــواز ائــت
((ناز ائت منه، اي سئوگيلي جانـان منـه نـاز ائـت))
۶
دونيا اوزونه يـاخشـي گـؤزه لـر گليـب هـرچنـد
اولمـاز سنـه بيـر اؤلكـه ده نـه ميثـل، نـه مــاننــد
تبريز، باكي، تهران، شكي، شيروان، قوبا، دربند
گنجـه، قــارابــاغ، شهــر بخــارا و سمــرقنــد
ايسترسـن ا گـر، عـزم رهِ مـولـك ِ حجـاز ائـت
((ناز ائت منه، اي سئوگيلي جانـان منـه نـاز ائـت))
٧
اولمـا گـؤزه ليـم، صـورتينـه بيـر بئلــه مغــرور!
مـن ائتميشـم عشقيملـه سنـي عـالمــه مشهــور
هيجرينـده منـي ائيلـه مـه غـم چكمگـه مجبـور
درگـاهـه منـي قـول دئيـه، مــاننــد ايــاز ائــت
((ناز ائت منه، اي سئوگيلي جانـان منـه نـاز ائـت))
٨
واعـظ، ائلـه ظـن ائيلمـه، حقـي دانيـر عـاشيـق
نه كعبه، نه بوتخـانـه، نـه مسجيـد تـانيـر عـاشيـق
لاكن اؤزونو حق سئـوه ن انسـان سـانيـر عـاشيـق
دونيـاده فقـط بيـرجـه محبّـت قـانيـر عـاشيــق!
سن گئت هلـه، اؤلمـوشلـره تكليـف نمـاز ائـت
((ناز ائت منه، اي سئوگيلي جانـان منـه نـاز ائـت))
٩
واحـد، دئمـه مــن دائمــي يــم ذؤق و صفــاده
منصـوري(١) ده يـاد ائتمـه لـي ييــك دارهِ فنــاده
بـو مصـرع ِ نـازي او دئميــش بيــر بئلــه ســاده
يــارب، ســن اونــا رحمتينـــي ائيلـــه زيـــاده
قبر ايچره اونـون روحـونـو لطفـونلـه فـراز ائـت
((ناز ائت منه، اي سئوگيلي جانـان منـه نـاز ائـت))
خسته ي رنجور و بيمار و پريشان ، نئيله ييم
اولموشام درده گرفتار و غمينده آغلارام
چونكي ائتمز بو فلك درديمه درمان ، نئيله ييم
گرچي دؤران دولانير هر لحظه چوخلار رايينه
دؤنمه دي هرگز منيم راييمجه دؤران ، نئيله ييم
تا كي وصليندن جدا دوشدوم ، دمي خوش اولماديم
ائتدي هيجرين مني هر لحظه گريان ، نئيله ييم
بيلميشم صبح وصالين قدريني شام فراق
ليك يانديردي مني درد ايله هيجران ، نئيله ييم
گرچي پنهان ائيله دين مئهرين فضولي كؤنلومه
كؤنلومون شهري غميندن اولسا ويران ، نئيله ييم
فلك لر ياندي آهيم دان ، مراديم شمعي يانماز مي ؟
هامي بيمارينا جانان ، دواي درد ائده ر احسان
نئچون قيلماز منه درمان ، مني بيمار سانمازمي ؟
اويادير خلقي افغانيم ، قرا بختيم اويانمازمي ؟
گل رخسارينه قارشي ، گؤزومدن قانلي آخار سو
حبيبيم فصل گول دور بو آخارسولار بولانمازمي ؟
غميم پئنهان توتارديم من ، دئديلر ياره قيل روشن
دئسم او بي وفا بيلمم اينانارمي ، اينانمازمي ؟
دئييلديم من سنه مايل ، سن ائتدين عقليمي زايل
منه طعن ائيله ين غافيل ، سني گؤرجه ك اوتانمازمي؟
فضولي رند و شيدادير ، هميشه خلقه رسوادي
سوروشون كي نه سوودادير ، بو سوودادان اوسانمازمي ؟
يار حال دليمي زار بيليبدير بيليرم
دل زاريمدا نه كي وار بيليبدير بيليرم
ياري اغيار بيليبدير كي منه يار اولماز
من دخي آني كي اغيار بيليبدير بيليرم
زولفونو اهل وفا صئيدينه دام ائله يه لي
مني اول داما گرفتار بيليبدير بيليرم
من نه حاجت كي قيلام درد دليم يارا عيان
هامي درد دليمي يار بيليبدير بيليرم
يار هم صحبتيم اولمازسا فضولي ! نه عجب
ئوزونه صحبتيمي عار بيليبدير بيليرم
اوز جانانيندان آيريلان جان داها جان اولماسين
كونلوم نازلي نيگاريندان داها يان اولماسين
اول گئجه كيم صبحه قدر يارلا كئچه
الله دان ايسترم گون چيخيب دان اولماسين
رقيبلر بير به بير قصد جان ائلر منه
يار ايسته مز سر كويوندا قان اولماسين
كونلوم عشق آتشيندن قاچماغا يوللار گزير
كاش بول درده هئچ يئرده درمان اولماسين
كام آلماز عشق ذوقيله يانانلار دهريده
عشقيلن چيرپينان دل گرك قان اولماسين
زاهيد چوخ سويله ر وصف جنتلر بيزه
ظند ائلرم سنه بنزر بير قيلمان اولماسين
تاب ائتمز بول قدر جؤوره بو جايماز
قورخورام اؤله م ياريم دا پشيمان اولماسين
مين لرجه گوزل اولسادا هر ميللت ايچينده
اولماز سنه بنزر گوزليم خلقت ايچينده
هيجرينده نه لر چكتيگيمي وصلينه يئتسم
بير بير سنه عرض ائيله يرم صحبت ايچينده
اول زولف پريشانه او گوندن كي اسيرم
مجنون دئييلير آديما جمعيت ايچينده
كويوندا صفا چكمه گه يول وئرمه رقيبه
يوخدور يئري خاين آدامين جنت ايچينده
بيگانه سوزون آچما منه غصه دن اوللم
بيماره ايچيتمه زهري شربت ايچينده
مين جاذبه واردير گوزليم مست گوزونده
انسان سنه باخديقجا قالير حئيرت ايچينده
واحد مني هر دم كي گوروب دينديرير اول شوخ
كونلوم آچيلير روحوم اوچور لذت ايچينده